२० चैत, काठमाडौं । भारतमा जारी इन्डियन प्रिमियर लिग क्रिकेटमा आज एक खेल हुँदैछ । आज रोयल च्यालेन्जर्स बेंगलुरु र गुजरात टाइटान्स आमनेसामने हुँदै छन् ।

बेंगलुरुस्थित एम चिन्नास्वामी रंगशालामा खेल बेलुकी पौने ८ बजेदेखि सुरु हुनेछ । बेंगलुरुको कप्तानमा रजत पाटिदार छन् भने गुजरातको कप्तानी शुभमन गिलले गर्ने छन् ।

बेंगलुरु हालसम्म अपराजित ३ टिममध्ये एक हो । सुरुवाती २ खेलमा नै जित निकालेको बेंगलुरुका लागि आज घरेलु मैदानमा जित निकाल्दै लगातार तेस्रो जित दर्ता गर्ने अवसर रहनेछ ।

बेंगलुरुले पहिलो खेलमा कोलकाता नाइट राइडर्स तथा दोस्रो खेलमा चेन्नई सुपर किङ्सलाई हराएको थियो ।

यता गुजरात पहिलो खेलमा पञ्जाब किङ्ससँग पराजित भएपछि दोस्रो खेलमा मुम्बई इन्डियन्सलाई हराएको थियो । आज बेंगलुरुको अपराजित यात्रा रोक्दै दोस्रो जित निकाल्ने लक्ष्यमा गुजरात पनि हुनेछ ।

अंकतालिकामा हाल बेंगलुरु ४ अंकसहित शीर्षस्थानमा छ भने २ अंक भएको गुजरात चौथो स्थानमा छ ।

दुई टोलीबीच हालसम्म भएका खेलमा बेंगलुरुले ३ जित निकाल्दा गुजरातले २ जित निकालेको छ ।

आईपीएल क्रिकेट